Last Modified: February 29 2012 15:08:32.

�കുങ്കുമസൂര്യന്‍ രാഗാംശുചാര്‍ത്തി
നിന്‍ മഞ്ജുവദനം കല്‍ഹാരമാക്കി
രതിലോലലോലം നീപുഞ്ചിരിച്ചു
അവികലമൊരു കാവ്യം ആത്മാവിലൊഴുകി

ചന്ദനചന്ദ്രന്‍ പൂവാടനീര്‍ത്തി
ഈരമ്യഭുവനം പാലാഴിയാക്കി
അതിലോലലോലം എന്നെവിളിച്ചു
അനുപമമൊരുഗാനം അകതാരിലൊഴുകി
ചന്ദനചന്ദ്രന്‍ പൂവാടനീര്‍ത്തി

ഇന്ദീവരങ്ങള്‍ താലങ്ങളായി
താനേതരംഗങ്ങള്‍ താളങ്ങളായി
ഹേമാംബുജങ്ങള്‍ കലശങ്ങളേന്തി
അഭിലാഷഹംസം അഴകലയില്‍ നീന്തി
അവികലമൊരു കാവ്യം ആത്മാവില്‍ ഒഴുകി

ചിന്താശതങ്ങള്‍ ഓളങ്ങളായി
ആശാവിഹംഗങ്ങള്‍ ഓടങ്ങളായി
കേളീവനങ്ങള്‍ മണിമാലചൂടി
അനുഭൂതിയേതോ അമരലയം നേടി
അനുപമമൊരു ഗാനം അകതാരിലൊഴുകി
കുങ്കുമസൂര്യന്‍...........