Last Modified: February 29 2012 15:07:14.

ചീകിത്തിരുകിയ പീലിത്തലമുടി
ആകെയഴിഞ്ചിതെടി കുറത്തി
ആകെയഴിഞ്ചിതെടി
കാത്തുനിന്നീടുന്ന തോഴിമാര്‍ വന്നെത്തി
കാരണം കേക്കുമ്പോഴെന്തു ചൊല്ലും
എന്തുചൊല്ലും?

മൂവാണ്ടന്‍ മാഞ്ചോട്ടില്‍ മുല്ലപ്പൂനുള്ളിയപ്പോള്‍
മാങ്കൊമ്പ് കൊണ്ടതാണെന്നുചൊല്ലും
ആ മാങ്കൊമ്പ് കൊണ്ടതാണെന്നു ചൊല്ലും

മൂക്കിക്കിടന്നൊരു മൂക്കൂത്തിക്കല്ലിന്റെ
മൂക്കാണിയെങ്ങുപോയെന്നുകേക്കും

വെള്ളാമ്പല്‍ ചോലയില്‍ മുങ്ങാംകുഴിയിട്ടപ്പോള്‍
വെള്ളത്തില്‍ വീണുപോയെന്നു ചൊല്ലും

തൊണ്ടിപ്പഴച്ചുണ്ടില്‍ എങ്ങിനെവന്നെടി
ചെഞ്ചോരപ്പാടെന്നു തോഴികേക്കും

തേന്‍‌കൂടുതേടി ഞാന്‍ തെന്മലയില്‍ പോയപ്പോള്‍
മാഹാളികുത്തിയതാണെന്നു ചൊല്ലും
ആ മാഹാളികുത്തിയതാണെന്നു ചൊല്ലും

മാറത്തെപ്പോര്‍മുലക്കച്ചച്ചരടെല്ലാം
ആരാണ് പൊട്ടിച്ചതെന്നുകേക്കും

മാറത്തെപ്പോര്‍മുലക്കച്ചച്ചരടെന്റെ
മാരന്‍ പൊട്ടിച്ചതാണെന്നു ചൊല്ലും
എന്റെ മാരന്‍ പൊട്ടിച്ചതാണെന്നുചൊല്ലും

എന്തും വന്നോട്ടെ ഏതും വന്നോട്ടെ
എല്ലാരുമെല്ലാരും കണ്ടോട്ടെ
എല്ലാരുമെല്ലാരും കണ്ടോട്ടെ........