Last Modified: February 29 2012 15:06:47.
 

ആരമ്യ ശ്രീരംഗമേ നിന്നിൽ ദീപം പൂക്കും വേളയിതാ (2)
പൊൻ നാളം നീട്ടിയ നേത്രം മഞ്ജീരം ചാർത്തിയ പാദം (2)
മലരിടും യാമിനിയിൽ ഇതളിടും ചാരുതയിൽ
ശത ശതം വന്ദനം
(ആരമ്യ....)


അഴകുകൾ പാകിയ മാനസതന്ത്രിയിൽ
പല യുഗമേകും ഇനിയ നിനാദം
പകരാൻ അരികിൽ അണയുകയല്ലോ
മിഴിയിൽ ഹൃദയം തെളിയുകയല്ലോ
സ്വരവും ജതിയും കലരും സമയം
കരവും പദവും ഇളകും സമയം
മലരിടും യാമിനിയിൽ ഇതളിടും ചാരുതയിൽ
ശത ശതം വന്ദനം
(ആരമ്യ....)


അനുപമ സുന്ദര സുരഭില വീഥിയിൽ
അമൃതുമായ് നിൽക്കും അരിയ സുമങ്ങൾ
അണിയാൻ അടിയായ് കൊതിക്കുകയല്ലോ
കരളിൽ നളിനം വിടരുകയല്ലോ
നിറവും ഒളിയും കലരും സമയം
വിരലിൽ ഭാഗ്യം വിരിയും സമയം
മലരിടും യാമിനിയിൽ ഇതളിടും ചാരുതയിൽ
ശത ശതം വന്ദനം
(ആരമ്യ....)