Last Modified: February 29 2012 15:03:31.

ഇരുളല ചുരുളുനിവർത്തും ഈ ലോകവേദിയിൽ
എന്നോടൊപ്പം നൃത്തം ചെയ്യും ഈ ലോകമേത്‌ ?
ഇഹലോകമോ? പരലോകമോ?
ഇഹലോകമോ? പരലോകമോ?

മാറിൽ മിന്നും മാല്യം കനലോ? കനകമോ?
ചുണ്ടിൽ കത്തും ഭാവം ചിരിയോ? കപടമോ?
മുന്നിൽ തെളിയും ചിത്രം നിഴലോ? രൂപമോ?
ഞാൻ കാണും ഈ ലോകം സത്യമോ ? വെറും മിഥ്യയോ?
വെറും മിഥ്യയോ?

സിരകളിൽ ഒഴുകും രുധിരം മധുവോ ? ലഹരിയോ ?
മിഴികളിൽ ഇഴയും മയക്കം സ്വപ്നമോ? നിദ്രയോ?
നാവിതു വരളും ദാഹം ഭയമോ? ദുഃഖമോ?
ഞാൻ കാണും ഈ ലോകം സത്യമോ ? വെറും മിഥ്യയോ?
വെറും മിഥ്യയോ?
(ഇരുളല ചുരുളുനിവർത്തും.....)