Last Modified: February 29 2012 15:03:05.

ഉഷസ്സേ...
ഉഷസ്സേ നീയെന്നെ വിളിയ്ക്കുകില്ലെങ്കിൽ
ഒരിക്കലും ഞാനുണരുകില്ല..
വസന്തം ഉദ്യാനവിരുന്നിനില്ലെങ്കിൽ
കുസുമങ്ങളിവിടെ മലരുകില്ല..

കടലിൻ മനസ്സ് തുടിച്ചില്ലെങ്കിൽ
കാറ്റും കുളിരും വീശുകില്ല..
കദനത്തിൻ പത്മ ചിതയില്ലെങ്കിൽ
കൺകേളീ പുഷ്പങ്ങൾ വിടരുകില്ല..

ഹിമഗിരിഹൃദയം ഉരുകിയില്ലെങ്കിൽ
ഹരിതാഭഭൂമിയ്ക്കു ഗംഗയില്ല..
നീയെന്ന സത്യം മുന്നിലില്ലെങ്കിൽ
എന്നിലെ ദുഃഖം ഉണരുകില്ല..