Last Modified: February 29 2012 15:01:41.
മണ്ണിനെ പങ്കിടുന്നു മതങ്ങളെ പങ്കിടുന്നു
മണ്ണിനെ പങ്കിടുന്നു മതങ്ങളെ പങ്കിടുന്നു
പൊന്നും പണവും പൊരുളും മോഹിച്ചു
മനഃസാക്ഷിയെപോലും പങ്കിടുന്നു
മനുഷ്യൻ... പങ്കിടുന്നു...
മണ്ണിനെ പങ്കിടുന്നു മതങ്ങളെ പങ്കിടുന്നു

പ്രപഞ്ചമെന്നൊരു ഭാഗപത്രം അതിൽ
പ്രാണികൾക്കൊരുപോലെ അവകാശം
ഹൃദയബന്ധങ്ങളെ മതിൽ കെട്ടി വേർതിരിക്കും
മനുഷ്യനു മാത്രം വ്യവഹാരം
എന്നും വ്യവഹാരം
(മണ്ണിനെ....)

ഇതിഹാസങ്ങൾ വലിച്ചെറിയും നിങ്ങൾ
ഈശ്വരനെപോലും പങ്കുവെയ്ക്കും
ഭഗവാനെ ശിലയാക്കി പ്രതിക്കൂട്ടിൽ വിസ്തരിക്കും
സൗരയൂഥങ്ങളും പങ്കുവെയ്ക്കും
നിങ്ങൾ പങ്കുവെയ്ക്കും
(മണ്ണിനെ....)