വിപഞ്ചികേ (സര്‍വ്വേക്കല്ല് )
This page was generated on April 24, 2024, 6:29 am UTC
വിശദവിവരങ്ങള്‍
വര്‍ഷം 1976
സംഗീതംജി ദേവരാജന്‍
ഗാനരചനഓ എന്‍ വി കുറുപ്പ്
ഗായകര്‍പി മാധുരി
രാഗംശിവരഞ്ജനി
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 15:00:49.

വിപഞ്ചികേ....
വിപഞ്ചികേ.. വിടപറയും മുന്‍പൊരു
വിഷാദ ഗീതം കൂടി ഈ
വിഷാദ ഗീതം കൂടി

ഇത്തിരിപ്പൂക്കളും തുമ്പികളും
വളപ്പൊട്ടുകളും വര്‍ണ്ണപ്പീലികളും
ഒത്തുകളിച്ചനാള്‍ പൊട്ടിച്ചിരിച്ചനാള്‍
തൊട്ടുവിളിച്ചു ഞാന്‍ അന്നു നിന്നെ
നിന്നിലെന്‍ വിരലുകള്‍ നൃത്തം വെച്ചു
നിന്നെയെന്‍ നിര്‍വൃതി പൂചൂടിച്ചു.. പൂചൂടിച്ചു
(വിപഞ്ചികേ...)

പട്ടിളം കൂടുവിട്ടെന്‍ കിനാക്കള്‍ സ്വര
ചിത്രശലഭങ്ങളായുയര്‍ന്നൂ
തപ്തസ്മൃതികളെ താരാട്ടു പാടുമ്പോള്‍
പൊട്ടിക്കരഞ്ഞു പോയ് പിന്നെ നമ്മള്‍
നിന്നിലെന്‍ നൊമ്പരം പൂത്തുലഞ്ഞൂ
നിന്നിലെന്‍ ആത്മാവുരുകീ വീണൂ
ഉരുകീ വീണൂ
(വിപഞ്ചികേ...)




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts