Last Modified: January 26 2024 14:58:19.



നിറപറചാര്‍ത്തിയ പൂക്കുലപോലെ നീ
തിരുവാതിരമുറ്റത്തൊരുങ്ങിനിന്നൂ ഈ
തിരുവാതിരക്കളിയരങ്ങിൽ നിന്നൂ

തിരിമലര്‍നാളങ്ങൾ ഊതിക്കെടുത്തിയ
നിലവിളക്കായ് നീ മാറിനിന്നൂ വീണ്ടും
തപസ്സില്‍ നിന്നൂ
(നിറപറചാർത്തിയ...)

ഈണത്തിലായിരം ഈരടിപാടിയോ-
രീറക്കുഴലെന്തേ മൂകമായി
താളത്തിലും നല്ല മേളത്തിലും നിന്റെ
ആളിമാരാടുന്നു കാണ്മതില്ലേ ഒന്നും കേള്‍പ്പതില്ലേ?
(നിറപറചാർത്തിയ...)

മംഗലയാം ദേവിയാതിര രാത്രിയില്‍
മംഗല്യസ്വപ്നം പൂവിട്ടുകണ്ടൂ
ഇന്നുമിരുളിലലയും നിന്‍ ദേവനെ
പിന്തുടര്‍ന്നു നിന്‍ നീള്‍മിഴികള്‍ നിന്റെ
നിറമിഴികള്‍
(നിറപറചാർത്തിയ...)