Last Modified: February 29 2012 15:00:22.

രക്ഷാദൈവതം ആത്മബന്ധു
അഭയം നല്‍കുന്ന ചൈതന്യമായ്
സാക്ഷാല്‍ ശ്രീഗുരുവായൂരമ്പലമെഴും
മൂര്‍ത്തേ ജഗന്നായകാ...
നിന്നോമല്‍ പദപങ്കജം മുകരുവാനെത്തുന്ന ഭക്തന്നു നീ
തന്നാലും തവ മഞ്ജു മഞ്ജുള മനോതാരിന്‍ കൃപാമംഗളം ...

ഇവിടമാണീശ്വര സന്നിധാനം
ഇടറുന്ന മനസ്സുകള്‍ക്കഭയസ്ഥാനം
കണ്ണന്‍ സന്നിധാനം കണ്ണന്‍ സന്നിധാനം കണ്ണന്‍ സന്നിധാനം
ഇവിടമാണീശ്വര സന്നിധാനം...സന്നിധാനം....

ഹരേ കൃഷ്ണ .....(3)

അഗതികള്‍ക്കായ്‌ ശ്രീകൃഷ്ണന്‍ ജന്മമെടുത്തു
അവരുടെ കണ്ണുനീരൊപ്പിയെടുത്തു
ആശ്രിതരുടെ ദുഃഖങ്ങള്‍ ഏറ്റെടുത്തു കൃഷ്ണന്‍
അവരുടെ വിളിപ്പുറത്തോടിയണഞ്ഞു
അഭിമതമറിഞ്ഞെന്നും വരമരുളി കൃഷ്ണന്‍
ആധിവ്യാധികളെല്ലാം തീര്‍ത്തുകൊടുത്തു
കൃഷ്ണാ ....ഹരേ ....കൃഷ്ണാ.....
ഇവിടമാണീശ്വര സന്നിധാനം
ഇടറുന്ന മനസ്സുകള്‍ക്കഭയസ്ഥാനം

നാരായണ നാരായണ നാരായണ നമോ നമോ (3)
ഹരേ കൃഷ്ണാ ......
കൃഷ്ണാ .........(3)

ഹരിചന്ദനം നിറഞ്ഞ വൃന്ദാവനം
മുരളീരവമൊഴുകും വൃന്ദാവനം
അന്ധതയ്ക്കുള്ളിലെ ബന്ധനത്തില്‍ നിന്നും
അന്ധനു കാഴ്ച നല്‍കും വൃന്ദാവനം
ഊമകള്‍ക്കു നാവു നല്‍കും വൃന്ദാവനം
അവര്‍ നാവെടുത്തു നാമംചൊല്ലും വൃന്ദാവനം (ഊമകള്‍ക്കു)
കണ്ണന്‍ സന്നിധാനം (3)

കനകനാളങ്ങള്‍ പൂക്കും വിളക്കുകള്‍
കൈകൂപ്പി തൊഴുന്നൊരി ശ്രീകോവില്‍
ഇവിടമാണീശ്വര സന്നിധാനം
ഇടറുന്ന മനസ്സുകള്‍ക്കഭയസ്ഥാനം
എന്റെ ദുഃഖങ്ങള്‍ തിരിച്ചെടുക്കൂ കൃഷ്ണാ
നിന്‍ കരുണാമൃതമെനിക്കു നല്‍കൂ
നാവുണങ്ങീടുമെന്‍ മോഹങ്ങളില്‍ കൃഷ്ണാ
ദാഹനീരേകി നീ അനുഗ്രഹിക്കൂ
നാമസങ്കീര്‍ത്തനത്താല്‍ നിന്‍ പുകള്‍ പാടുവാന്‍
പാവമാം എന്‍ മകനു ശക്തി നല്‍കൂ (2)
ശക്തി നല്‍കൂ ശക്തി നല്‍കൂ......