Last Modified: February 29 2012 14:57:21.

താമരപ്പൂ നാണിച്ചു - നിന്റെ
തങ്കവിഗ്രഹം വിജയിച്ചു
പുളകം പൂക്കും പൊയ്ക പറഞ്ഞു
യുവതീ നീയൊരു പൂവായ് വിടരൂ
പൂവായ് വിടരൂ
(താമരപ്പൂ)

നദിയുടെ ഹൃദയം ഞാന്‍ കണ്ടു - നിന്‍
നടയില്‍ ഞാനാ ഗതി കണ്ടു
കാറ്റാം കാമുകകവി പാടി
കാറ്റാം കാമുകകവി പാടി
കരളേ നീയൊരു പുഴയായൊഴുകൂ -
പുഴയായൊഴുകൂ
(താമരപ്പൂ)

പൂവായ് ഓമന വിടരാമോ - നിന്നെ
പുല്‍കാം ഞാനൊരു ജലകണമായ്
പുഴയായോമന ഒഴുകാമോ
പുഴയായോമന ഒഴുകാമോ
പുണരാം ഞാനൊരു കുളിര്‍കാറ്റായ്
(താമരപ്പൂ)