Last Modified: February 29 2012 14:56:14.
മനസ്സേ ഇളം മനസ്സേ നിന്‍ വസന്തവാടി വള്ളിക്കുടിലില്‍
വരുന്നു പുതിയൊരു മലര്‍ബാണന്‍
മനസ്സേഇളം മനസ്സേ.......

കയ്യില്‍ കരിമ്പു വില്ലില്ലാ
എയ്യാന്‍ പുഷ്പശരമില്ലാ
രതിയില്ലാ സാരഥിയില്ലാ
രഥവും തുരഗവുമില്ലാ
മനസ്സേ ഇളം മനസ്സേ.........

മരതകതല്‍പ്പമൊരുക്കൂ കല്‍പ്പക
മലരുകള്‍ വാരിവിരിയ്കൂ
മലയജനീരു തളിയ്ക്കൂ നീയാ
മദനനെ വേഗം ക്ഷണിക്കൂ
മനസ്സേ ഇളം മനസ്സേ.........

പ്രാണതന്ത്രികള്‍ കെട്ടി മധുര
പ്രേമവിപഞ്ചിക മീട്ടി
നാദതരംഗ ഗംഗയൊഴുക്കി
നാഥനായ് നീ പാടൂ
മനസ്സേ ഇളം മനസ്സേ.........