എന്നോടുകൂടി (ഇമ്മാനുവൽ )
This page was generated on March 29, 2024, 8:17 am UTC
വിശദവിവരങ്ങള്‍
വര്‍ഷം 2013
സംഗീതംഅഫ്സല്‍ യൂസഫ്
ഗാനരചനറഫീഖ് അഹമ്മദ്
ഗായകര്‍രഞ്ജിത്ത് ജയറാം ,കോറസ്‌
രാഗംലഭ്യമല്ല
അഭിനേതാക്കള്‍Mammooty ,റീനു മാത്യൂസ്
ഗാനത്തിന്റെ വരികള്‍
Last Modified: May 22 2013 03:30:28.



എന്നോടു കൂടി വസിക്കുന്ന ദൈവമേ
സത്യ സൗന്ദര്യമേ...
നീയാണെനിക്കുള്ള മാർഗ്ഗവും ദീപവും
എത്തേണ്ടതായുള്ളോരിടവും....
നീയാണെനിക്കുള്ള മാർഗ്ഗവും ദീപവും
എത്തേണ്ടതായുള്ളോരിടവും....
എന്നോടു കൂടി വസിക്കുന്ന ദൈവമേ
സത്യ സൗന്ദര്യമേ...

നീയല്ലോ രാവിന്റെ കൺപോളയിൽ തൊട്ടു്
സ്നേഹപ്രഭാതം വിടർത്തുന്നു....
നീയല്ലോ ശൂന്യാംബരങ്ങളിലത്രയും
താരാഗണങ്ങൾ വരയ്ക്കുന്നു....
ദാഹിക്കും നേരത്തു് ജീവജലം നീയേ
അന്നവും വായുവും നീയേ...
ദുഃഖശതങ്ങളിൽ ആശ്വാസമേകുന്ന
ദിവ്യകരസ്പർശം നീയേ....
എന്നോടു കൂടി വസിക്കുന്ന ദൈവമേ
സത്യ സൗന്ദര്യമേ...

നീയല്ലോ ഘോര വനാന്തരത്തിൽപ്പോലും
മാടപ്പിറാവിനെ പോറ്റുന്നു...
നീയല്ലോ വാനിൽ മഴക്കാറു കൂട്ടുന്നു
നീ തന്നെയല്ലയോ പെയ്യുന്നു...
ഓരോ മണലിലും നിൻ പാദരേണുക്കൾ
മിന്നുന്നു ലോകാധിനാഥാ....
ഓരോ നിലാവിലും നിന്റെ നിശ്വാസങ്ങൾ
വീശുന്നു സ്നേഹസ്വരൂപാ....
(എന്നോടു കൂടി....)


 
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts