Last Modified: July 19 2014 11:45:06.

വേനൽത്തീയിലംബരം മേഘക്കാർ വിടർ‌ത്തവേ
പുതുമഴ കുളിർമഴ ഇളയിലൊരുത്സവതാള സാധകം
നവ ജീവലാളനം...ഇതു മോഹപൂരകം
തോഴാ...അറിയൂ....
പാഴ്മരുഭൂമിയിലും നീരൊഴുകാമിനിയും
വാടിയ ചില്ലയിലും പൂവിടരാമിനിയും
ഇതു കാലം നൽകിയ വരദാനം താൻ കാരുണ്യം..
അമ്മയെ ഓർക്കുക നാം...ഇനി അഞ്ജലി കൂപ്പുക നാം
അമ്മയെ ഓർക്കുക നാം...ഇനി അഞ്ജലി കൂപ്പുക നാം....

പാട്ടു മറന്നൊരു കിളി പാടി പുതിയൊരു ഭൂപാളം
പേടി പടർത്തിയൊരിരുൾ മാറി പ്രഭാതമായ്‌...
നന്മകൾതൻ വഴിയിൽ നാമിനി മുന്നോട്ടു്..
കർമ്മതരംഗിണിയിൽ നീന്തുക മുന്നോട്ടു്...
ഉണരൂ...തോഴാ...ഉണർവ്വിൻ ഒളിയിൽ
ഇതു കാലം നൽകിയ വരദാനം താൻ കാരുണ്യം..
അമ്മയെ ഓർക്കുക നാം...ഇനി അഞ്ജലി കൂപ്പുക നാം
അമ്മയെ ഓർക്കുക നാം...ഇനി അഞ്ജലി കൂപ്പുക നാം....
(വേനൽത്തീയിലംബരം...)

കൊഴിയുവതില്ലൊരു നാളും ജനനീ ഹൃദയവസന്തം
അതിൽ വിടരും ഗന്ധം...സ്നേഹ രാരീരം...
ഇതു ത്യാഗ സംഗീതം...
ആ...ആ...ആ...ആ...ആ....
ആ...ആ...ആ...ആ...ആ......