Last Modified: November 29 2017 03:54:32.
പകലിൻ കൂടൊഴിഞ്ഞു പോകും സന്ധ്യേ
പറയാൻ നീ മറന്നതെന്തേ സ്നേഹം
പിൻവിളി കേൾക്കാതെ പിരിയുകയാണോ നീ
പൊന്മേഘം ഇരുളുകയാണകലെ
ഞാനോ പിടയുകയാണിവിടെ

പകലിൻ കൂടൊഴിഞ്ഞു പോകും സന്ധ്യേ
പറയാൻ നീ മറന്നതെന്തേ സ്നേഹം

വീണുടയല്ലേ നീ ഒരു ഹിമകണമായ്
എൻ വീണയിൽ ഉണരേണം നീ സ്വരകണമായ്
മാറിൽ അണഞ്ഞൊരു സുഖമേ ഇനി നിന്മുഖമെങ്ങനെ കാണും
ദൂരെ മറഞ്ഞൊരു കുയിലേ ഇനി നിന്മൊഴിയെങ്ങനെ കേൾക്കും

നീ പെയ്തു തീരാത്ത മഴയോ
നീ എന്നെയറിയാത്ത പുഴയോ
നീ എന്ന് ചേരുമെൻ പ്രണയക്കടലിൽ

സരിഗമയില്ലാതെ ഇനി ഉണരില്ല
ഈ പദനിസയിൽ നിന്നും
ഒരു ചിരി പോലും
പാതകളകലും തോറും നിൻ പിറകിൽ ഞാൻ വന്നു
പാതിയടഞ്ഞൊരു മിഴിയാൽ
അതു കാണാതെ നീ നിന്നു
നീ ദൂരെ നിൽക്കുന്ന കിളിയോ
നീ വാടി നിൽക്കുന്ന ഒളിയോ
നീ എന്നു ചേക്കേറുമെന്റെ കൂട്ടിലായി
ഓ ഓ ഓ ഓ ...