Last Modified: February 29 2012 14:50:55.
ശരണം തേടുന്നോര്‍ക്കവിടുന്നേ രക്ഷ
ഗുരുവായൂര്‍ വാഴും ഹരികൃഷ്ണാ
പെരിയ സംസ്കാരക്കടലിന്‍ തീരം നീ
കരുണക്കാതലേ മണിവര്‍ണ്ണാ (ശരണം)

നിരയായ് പീലികള്‍ നിറുകയില്‍ കുത്തി
കരതാരില്‍ കോലക്കുഴലേന്തി
കനകക്കിങ്ങിണി രണിതം കേള്‍പ്പിച്ചു
കളിയാടേണം നീ ഹൃദയത്തില്‍ (ശരണം)

നിരയായ് ദീപങ്ങളെരിയും ശ്രീകോവില്‍-
തിരുനടയിലെ പ്രഭയിങ്കല്‍
അഴലിന്‍ ഭാരങ്ങള്‍ അലിഞ്ഞു പോകേണം
കൊടുമിരുള്‍ച്ചാര്‍ത്തു മറയേണം (ശരണം)