ഓളം സ്വരങ്ങള്‍ പാടും (കൂലി )
This page was generated on March 28, 2024, 1:17 pm UTC
വിശദവിവരങ്ങള്‍
വര്‍ഷം 1983
സംഗീതംരവീന്ദ്രൻ
ഗാനരചനബിച്ചു തിരുമല
ഗായകര്‍കെ ജെ യേശുദാസ് ,കോറസ്‌
രാഗംവാസന്തി
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:49:56.

ഓളം സ്വരങ്ങള്‍ പാടും കടലോരക്കാറ്റതിലൂറും
അക്കാറ്റിലിക്കാറ്റിൽ‍ അമ്മാനമാടുന്നു
കുളിരളകം നവപുളകം പൂവാംകുരുന്നേ നിന്‍
തളിരോലും തൂനെറ്റി തന്നില്‍ തങ്കനിറമേലും
കവിളോരം നാണം വീണാഗാനം മീട്ടുന്നു

പണമൂടും മാറില്‍ കടലലകൾ
നഖലീലാജാലം തുടരുകയോ
രതിനാഗം പോല്‍ ഇഴഞ്ഞാടുകയോ
ചെറുജലകണമണി ഉടലിതില്‍ അടിമുടി
ഉതിരുമൊരനിതര മദരസ സുഖമോടു
നീയിന്നെന്‍ വിരിമാറില്‍ തേന്‍മുല്ലക്കൊടി പോലെ
ചേരൂ ദേവി ചേരൂ എന്‍റെ ദേവി

നിറദീപം പൂക്കും മിഴിയിണയില്‍
ശലഭംപോല്‍ എന്നും കുരുതി തരും
ഇവനോരോ മോഹങ്ങള്‍ ഓമലിനായി
ചിരിയുടെ തളിരുകള്‍ ഉണരുമീ അധരവും
അതിലയമിളകുമീ അസുലഭ മധുരവും
ഇന്നെന്നില്‍ പകരൂ നീ ആരോരും അറിയാതെന്‍
ദേവി ദേവി ദേവി എന്‍റെ ദേവി



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts