Last Modified: February 29 2012 14:47:17.

മകം പിറന്നൊരു മനപ്പിറാവിൻ മനസ്സറിഞ്ഞവനാരോ
പകൽക്കിനാവിൻ പളുങ്കു തേരിൽ പോകുവതാരോ
തെളിഞ്ഞ വേനിൻ പുഴയിൽ മുങ്ങി കുളിച്ചൊരുങ്ങിയതാരോ
വിരുന്നു നൽകാൻ വിളക്കു മാടം തുറന്നു വച്ചവളാരോ
തലക്കുറി ഇണങ്ങേണം നല്ല പൊരുത്തവും കൂടേണം
മിഴിയോടു മിഴി ചേർന്നാൽ അതു മൊഴി കൊണ്ടു തടയാമോ
പൂപ്പന്തലൊരുങ്ങണം പൂമാല കോർക്കണം
താലിക്കു കുനിയണം
കുരവകൾ കുഴലൊടു തകിലടി തകധിമി
(മകം പിറന്നൊരു..)

മദനോത്സവം കൊടിയേറിയോ
മണിദീപവും മിഴി ചിമ്മിയോ
ഒരു രാഗമായ് ഒരു താളമായ്
ഇണങ്ങി മയങ്ങി അലിഞ്ഞു തളർന്നു നിനക്കു തരും
വിളക്കിലൊരു തിരി പൊലിക തെളിഞ്ഞീടുക
മിഴികൾ തെളിയുമൊരു മദനരമണനവൻ
എവിടെ എവിടെ എവിടെ

തെളിഞ്ഞ വേനിൻപുഴയിൽ മുങ്ങി കുളിച്ചൊരുങ്ങിയതാരോ
വിരുന്നു നൽകാൻ വിളക്കു മാടം തുറന്നു വച്ചവളാരോ
തലക്കുറി ഇണങ്ങേണം നല്ല പൊരുത്തവും കൂടേണം
പൂപ്പന്തലൊരുങ്ങണം പൂമാല കോർക്കണം
താലിക്കു കുനിയണം
കുരവകൾ കുഴലൊടു തകിലടി തകധിമി
(മകം പിറന്നൊരു..)

മൺവീണയിൽ ശ്രുതി ചേരുമോ
മലർമാതു നീ വരമേകുമോ
ഇളമാൻ മിഴി ഹോ ഇനി വൈകുമോ
കുളിച്ചു തൊഴുന്നോരുഷസ്സ്
നിനക്കു വിളിച്ചു തരും ഇളം തളിരു മുടിച്ചുരുളിൽ അണിഞ്ഞിടുക
സരിഗ രിഗമ ഗമ ഗമമ പധമ പധനി ധനിസ ധനിസ
(മകം പിറന്നൊരു...)