Last Modified: February 29 2012 14:46:54.
ആകാശത്തിനു കീഴേ
നീലാകാശത്തിനു കീഴേ
പച്ചപ്പട്ടിൽ പല പല പൂക്കൾ
തുന്നി വെച്ചതു പോലെ
കൊച്ചു കേരള നാട് ഈ
കൊച്ചു കേരള നാട്

മഞ്ഞണിമലകൾ കണ്ടു മടങ്ങിയ
കിളിയേ കിളിയേ
മന്ദാകിനിയിൽ കുളിച്ചു തൊഴുതൊരു
കിളിയേ കിളിയേ
മഞ്ഞത്തെച്ചിപ്പൂവുണരും നിൻ
കാവിലുത്സവമായ് ഈ
മന്ദാരത്തോപ്പിലല്ലോ നിന്റെ പൊന്നോണം (ആകാശത്തിനു...)


കൊന്നകൾ സ്വർണ്ണക്കിങ്ങിണി ചാർത്തും
തൊടിയിൽ തൊടിയിൽ
പൊൻ കണി വെള്ളരി കാഴ്ച വെയ്ക്കും
വയലിൽ വയലിൽ
കണ്ണീരുപ്പു കലർന്നാലും നിൻ
ജീവനുത്സവമായ് ഈ
കസ്തൂരിമാവിലല്ലോ നിന്റെ പൊൻ കൂട് (ആകാശത്തിനു...)