Last Modified: February 29 2012 14:43:30.




തേനുള്ള പൂവിന്റെ നെഞ്ചം
തേടുന്ന വണ്ടിന്നു മഞ്ചം
കുളിരേന്തി നിൽക്കുന്ന രാവും
കുടമുല്ല പൂവും നിലാവും
വീരന്നു നേദിച്ചു ഞാനെൻ
വിടരുന്ന വർണ്ണക്കിനാക്കൾ (തേനുള്ള)

കടമിഴിയിൽ കവിതയുമായ് ഞാനും
ഒളിയുണരും ചൊടികളുമായ് നീയും
തരിവളകൾ കിളിമൊഴിയിൽ പാടി
കവിളിണയിൽ കളഭകണം ചൂടി
കളയരുതിനി സമയം തിരുമധുരം നുകരും
മതിവരെനിൻ പ്രണയം മനമലരിൽ പകരും (തേനുള്ള)

കനവുണരും നിമിഷമിതാ വന്നു
കരളിതളിൽ രതിമധുരം തന്നു
വിരിമാറിൽ വീണലിയാൻ മോഹം
തിരകരയിൽ പൂണലിയാൻ മോഹം
കഥപറയും മിഴിയും അഴലകലും മൊഴിയും
ചൊടിമലരിൽ വിരിയും ലഹരിയിൽ നീ അലിയു (തേനുള്ള)