Last Modified: February 29 2012 14:42:34.
രാഗസാമ്രാജ്യദേവാലയത്തിലെ
രാജനര്‍ത്തകി നീയല്ലേ - സഖീ
രാജനര്‍ത്തകി നീയല്ലേ...
പൂവമ്പനമരുന്ന ശ്രീകോവില്‍‌തന്നിലെ
പൂജാരിണി നീയല്ലേ - സഖീ നീയല്ലേ
(രാഗ...)

താരുണ്യമന്ദാരപുഷ്പങ്ങള്‍ വിരിയും
താമരത്തളിരെതിര്‍പ്പൂങ്കവിളില്‍
കൈവിരലാല്‍ നുള്ളിയതാരോ
കാമനോ നിന്റെ കാമുകനോ
(രാഗ...)

അഭിലാഷവാസന്തമാസം വിടര്‍ത്തിയ
ആരാമപുഷ്പമേ നിന്‍ മനസ്സില്‍
തൂമരന്ദം വീണ്ടും നിറച്ചത്
പ്രേമമോ എന്റെ വ്യാമോഹമോ
(രാഗ...)