Last Modified: February 29 2012 14:41:55.

ഋതുഗാനം മാഞ്ഞുവോ മധുമാസം മങ്ങിയോ
തളിരാടയും കുളിരോളവും അനുരാഗം ചൂടിയ രാവും
ജലരേഖയില്‍ മറയുന്നുവോ...പറയൂ നീ...
താലവനപ്പൈങ്കിളിയേ...താലവനപ്പൈങ്കിളിയേ...
ഋതുഗാനം മാഞ്ഞുവോ മധുമാസം മങ്ങിയോ

ഇന്നെന്‍ വിഷാദരാവില്‍ കണ്ണീര്‍ക്കിനാവള്ളിയില്‍
നിന്‍ മൌനം കൊഴിഞ്ഞതെന്തേ കദനം കവിഞ്ഞതെന്തേ
ആത്മാവിലെ പൂഞ്ചില്ലയില്‍ താലാടും ചെല്ലക്കിളിയെ
പറയൂ നീ......എന്നോമലാം പ്രിയതോഴനെവിടെ
താലവനപ്പൈങ്കിളിയേ...താലവനപ്പൈങ്കിളിയേ...
ഋതുഗാനം മാഞ്ഞുവോ മധുമാസം മങ്ങിയോ.....

എങ്ങോ തളര്‍ന്നു വീണെന്‍ സ്വപ്നം വിതുമ്പുമ്പൊഴും
ഇന്നാരെന്റെ നെഞ്ചില്‍ വിതറി കനിവിന്‍ നിലാപ്പൂവുകള്‍
നിഴല്‍ മൂടുമീ പൂവല്ലിയില്‍ താലാടും നീലക്കുയിലേ
പറയൂ നീ...ആരോമലാം പ്രിയതോഴനെവിടെ...
താലവനപ്പൈങ്കിളിയേ...താലവനപ്പൈങ്കിളിയേ...
(ഋതുഗാനം മാഞ്ഞുവോ....)