പൂവേ പൊലി പൂവേ (ഒരു നുള്ളു കാക്കപ്പൂ)
ഉത്സവഗാനങ്ങൾ Vol I
Poove Poli Poove (Oru Nullu Kakkappoo Kadam Tharumo) (Ulsava Gaanangal Vol I)
വിശദവിവരങ്ങള്‍
വര്‍ഷം 1983
സംഗീതംരവീന്ദ്രൻ
ഗാനരചനശ്രീകുമാരൻ തമ്പി
ഗായകര്‍കെ ജെ യേശുദാസ് ,എസ് ജാനകിദേവി
രാഗംശുദ്ധധന്യാസി
ഗാനത്തിന്റെ വരികള്‍
Last Modified: February 29 2012 14:26:45.


പൂവേ... ലാലാ... പൊലിപൂവേ... ലലലാലാ...
പൂവേ... ലാലാ... പൊലിപൂവേ... ലലലാലാ...
പൂവേ പൊലിപൂവേ... പൂവേ പൊലിപൂവേ...
പൂവേ പൊലിപൂവേ... പൂവേ പൊലിപൂവേ...

ഒരു നുള്ളു കാക്കപ്പൂ കടം തരുമോ
ഒരു കൂന തുമ്പപ്പൂ പകരം തരാം
അധരത്താല്‍ വാരിയാല്‍ പിണങ്ങുമോ നീ
അതു നിന്റെ ചൊടികളില്‍ വിരിഞ്ഞതല്ലേ

(ഒരു നുള്ളു കാക്കപ്പൂ)

അരളിപ്പൂങ്കുടകള്‍തന്‍ അണിനിരന്നു
ഇരുശംഖുപുഷ്‌പങ്ങള്‍ കണ്ടുനിന്നു
അരളിപ്പൂങ്കവിള്‍, നീലമലര്‍മിഴികള്‍
അഴകേയീ പൂക്കളം നിന്‍ മുഖമേ

(ഒരു നുള്ളു കാക്കപ്പൂ)

മലരോടു മലര്‍ പിന്നും മണിയൂഞ്ഞാലില്‍
ഒരുവട്ടം ഞാനുമൊന്നാടിക്കോട്ടേ
ഉയരത്തില്‍ ഞാന്‍ ചില്ലാട്ടമാടുമ്പോള്‍
അടരല്ലേ - ഊഞ്ഞാലെന്‍ ഹൃദയമെടീ

(ഒരു നുള്ളു കാക്കപ്പൂ)
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts