Last Modified: July 15 2012 11:38:04.
 
പാവനനാകും ദൈവസുതാ തവ പാദസുമങ്ങള്‍ തൊഴുന്നു
നന്മ നിറയുമിടയാ ചൊരിയുക നിന്‍ കൃപ എന്നില്‍ നീ
(പാവനനാകും )

കൂരിരുള്‍ മൂടുന്നൊരീ ജീവിതവീഥിയിതില്‍
നിന്നിലെ പൊന്നൊളി നീ പൊഴിക്കണമേ
യാതന തീങ്ങുന്നൊരീ അനുദിനയാനമിതില്‍
കദനത്തിന്‍ പാനപാത്രം നീക്കണമേ
(പാവനനാകും )

അഴലുകള്‍ നിറയുന്നൊരീ മാനസ തീരങ്ങളില്‍
വാണു നീ സദയമെന്നും കാക്കണമേ
രക്ഷകനാകുന്ന നിന്‍ ആശ്രയം തേടി വരും
ഞങ്ങള്‍ തന്‍ പ്രാര്‍ത്ഥന നീ കേള്‍ക്കണമേ
(പാവനനാകും )