Last Modified: July 06 2012 06:56:42.

അമലമനോഹരി അമ്മേ
അവിടുത്തെ സ്നേഹത്തിൻ മടിയിൽ
തലയൊന്നു ചായ്ക്കാൻ തുടിക്കുന്നെന്നുള്ളം
അരികിൽ നീ വരണമേ
(അമലമനോഹരി..)

കാനായിലെ ആ ഭവനം
വീഞ്ഞു തീർന്ന നേരം (2)
യേശുവിൻ മുൻപിൽ നിൻ തിരുസ്നേഹം
മാദ്ധ്യസ്ഥത്തിൻ പൂമഴയേകി (2)
(അമലമനോഹരി..)

ശോകാർദ്രശൂന്യം ഹൃദയം
സ്നേഹത്തിൻ വീഞ്ഞില്ല തെല്ലും (2)
യേശുവിൻ അമ്മേ നീ വരൂ വേഗം
സ്നേഹത്തിന്റെ പൂന്തണലേകാൻ (2)
(അമലമനോഹരി..)