Last Modified: February 29 2012 14:32:35.
ജറുസലേം നായകാ ഗദ്ഗദം കേള്‍ക്കുമോ
തകരുമെന്‍ ജീവനില്‍ ആശ്രയം നീ പ്രഭോ ..(2)
അലിവോലും ഗീതകം പതിയുന്നൂ കാതിലും
സാദരം നീ വരൂ യേശുവേ
(ജറുസലേം നായകാ ഗദ്ഗദം കേള്‍ക്കുമോ...)

നിറയുമോര്‍മ്മയില്‍ ദീപമായ്
ഹൃദയവീണയില്‍ നാദമായ് ..(2)
അറിയുമോ ഗായകാ ഇഴയുമെന്‍ ജീവിതം
അരുളുമോ സ്വാന്ത്വനം കരുണതന്‍ കൈകളാല്‍
(ജറുസലേം നായകാ ഗദ്ഗദം കേള്‍ക്കുമോ...)

സകലജീവനും നാഥനായ്
മഹിതമാണ് നിന്‍ നാമവും ..(2)
സുകൃതമാം ഗാനമായ് ഉണരുമോ നാവിലും
ചൊരിയുമോ നല്‍ വരം കനിവെഴും ഹൃത്തിനാല്‍
(ജറുസലേം നായകാ ഗദ്ഗദം കേള്‍ക്കുമോ...)