Last Modified: February 29 2012 14:32:24.
വിരുത്തം:

ഗജാനനം ഭൂതഗണാദിസേവിതം
കപിത്ഥജംബൂഫലസാരഭക്ഷിതം
ഉമാസുതം ശോകവിനാശകാരണം
നമാമി വിഘ്നേശ്വരപാദപങ്കജം

പാട്ട്:

ശ്രീ വാഴും പഴവങ്ങാടിയിലെ ഗണപതിഭഗവാനേ
ശ്രീപാർവ്വതിയുടയതനയ പ്രിയ ഗജമുഖബാലകനേ
വികടേശ്വര ശുഭദ സുഖദമൊരു ജീവിതമേകണമേ
വിഘ്നം നിൻ നടയിലുടയുമൊരു കേരമതാകണമേ
(ശ്രീ വാഴും)

പരമശിവനെയും ശക്തിയേയും വലം‌വെച്ചുടനെ
പണ്ടൊരിക്കൽ പന്തയത്തിൽ പഴം ആർ നേടി?
ആ ഗണേശനു ഭരിതഭക്തിമോദകം നൽകി
അടിയനെന്നും വിഘ്നനിഗ്രഹനുഗ്രഹം തേടി
(ശ്രീ വാഴും)

ഇന്ദ്രബാഹു സ്തംഭഭഞ്ജനം ചെയ്തൊരു
ഇടം‌പിരി വലം‌പിരി വിഗ്രഹം കണ്ടു
കരളിൽ ചതുർത്ഥിത്രിസന്ധ്യയാൾ കോർത്തൊരു
അരളിമലർമാല്യം അണിഞ്ഞവൻ നിന്നു
(ശ്രീ വാഴും)