Last Modified: February 29 2012 14:32:14.
 
സ്വർണ്ണത്താമര വിടർന്നു അതിലൊരു
സ്വപ്ന കന്യക പിറന്നു (2)
ശ്രീ മഹാലക്ഷ്മിയായ് വളർന്നു
ശ്രീ അന്നു പാരിൽ നിറഞ്ഞു
(സ്വർണ്ണത്താമര വിടർന്നു ..)

ഓരോ തരിയിലും ഓരോ തിരയിലും
ഓരായിരം നിധി സൂക്ഷിച്ചു (2)
മാനത്തും മണ്ണിലും കാട്ടിലും മേട്ടിലും
മാണിക്യക്കല്ലുകൾ കാത്തുവെച്ചു (2)
(സ്വർണ്ണത്താമര വിടർന്നു ..)

ശ്രീമഹാവിഷ്ണുവിന്റെ പത്നിയായി
ഭൂമിദേവിയ്ക്കു സഖിയായ് (2)
പതിയെ പൂജിക്കും ഭക്തന്മാർക്കൊക്കെയും
പാദസേവ ചെയ്യുന്ന ദാസിയായി (2)
(സ്വർണ്ണത്താമര വിടർന്നു ..)