Last Modified: February 29 2012 14:30:25.
സ്വരരാഗ ഭാരതപ്പുഴയുടെ ഈണം
ശ്രുതിസാന്ദ്ര സാഗരത്തിരയുടെ താളം
മലയാണ്മ പാടുന്ന കഥകളിപ്പാട്ടിന്
മരതകഗിരിയുടെ മേളപ്പദം
(സ്വരരാഗ)

നിളയുടെ ധ്വനികളിലിന്നും കേള്‍ക്കാം
ഒരു ശാരികയുടെ ഗാനം
പഴയൊരു നൂപുരതാളം
സീതാകാവ്യശീലുകളുണരും
ഭൂമീതംബുരുനാദം നാദം നാദം
(സ്വരരാഗ)

കവിയുടെ സ്മൃതികളിലെന്നും നിറയും
ഒരു പൂവിളിയുടെ പൂരം
നടനവിഹാരവിലോലം
സന്ധ്യാദീപ പ്രാര്‍ത്ഥനയുണരും
കേളീകേരളതീരം തീരം തീരം
(സ്വരരാഗ)