Last Modified: July 21 2013 06:53:25.

തട്ടും തകിലടിയും ഭക്തിയാം കാവടിയും
പൊത്തുവായ്ക്കുരവയുമായ് മുന്നിലെത്താം
നിന്നെ മുട്ടാതെ വണങ്ങിടാം സുബ്രഹ്മണ്യാ

മയിൽമേലുലകളന്നും മലമേൽ കുടിയിരുന്നും
മനസ്സിൽ ചൊരിയണമേ ജ്ഞാനപ്പഴം
നിൻ തിരുവചനങ്ങളിലെ പൊരുളും പരംപൊരുളും
നീയാകും പ്രണവമാം ഓംകാരം
(തട്ടും തകിലടിയും)

ഷണ്മുഖാ ശരവണനേ ശക്തിവേലായുധനേ
താരകാസുരഹരനാം സുബ്രഹ്മണ്യാ
നിൻ തിരുനാമങ്ങളെല്ലാം ശയനപ്രദക്ഷിണമായ്
നാവിൻമേൽ പ്രതിദിനവുമുരളണമേ
(തട്ടും തകിലടിയും)