Last Modified: February 29 2012 14:28:18.

പൊന്നും പതിനെട്ടാംപടി കേറി
പൊന്നമ്പലമലമുകളില്‍ കേറി
പന്തളരാജകുമാരാ പൊന്‍-
പാദം പണിയാന്‍ പുരുഷാരം നിന്‍
പാദം പണിയാന്‍ പുരുഷാരം
(പൊന്നും പതിനെട്ടാംപടി )

അമ്പലത്തില്‍ പൊന്‍മണിനാദം
ആത്മാവുണരും ശംഖിന്‍ നാദം (2)
അണയും ഭക്തരെ ആശ്ലേഷിയ്ക്കാന്‍
ആയും കര്‍പ്പൂരം തീനാളം
ആനന്ദ ദര്‍ശ്ശനം ആനന്ദ ദര്‍ശ്ശനം
അത്ഭുത ദര്‍ശ്ശനം അയ്യപ്പാ (2)
പുണ്യദര്‍ശ്ശനം അയ്യപ്പാ
(പൊന്നും പതിനെട്ടാംപടി )

നാളികേരം നല്‍കീടും
നറുംനെയ്യാല്‍ അയ്യന്നഭിഷേകം (2)
നിറഞ്ഞു നില്‍ക്കും ശരണം വിളിയാല്‍
നാദബ്രഹ്മം നഭസ്സലം
ആനന്ദ കണ്ണീര്‍ ആനന്ദക്കണ്ണീര്‍
അക്ഷികള്‍ കവിയുന്നയ്യപ്പാ (2)
അനുഗ്രഹിയ്ക്കൂ അയ്യപ്പാം
(പൊന്നും പതിനെട്ടാംപടി )
സ്വാമിയേ ശരണം സ്വാമിയേ ശരണം സ്വാമിയേ ശരണം അയ്യപ്പാ (3)
ഹരിഹരസുതനാനന്തചിത്തനയ്യനയ്യപ്പ സ്വാമിയേയ്.. ശരണമയ്യപ്പാ