Last Modified: February 29 2012 14:27:41.
 
ഗുരുപവനപുരേശാ കൃഷ്ണാ
കൃഷ്ണാ പദതളിരിണ തൊഴുന്നേൻ (2)
ഹൃദയ ശ്രീകോവിലിലെന്നും തെളിയുന്ന
മണിദീപമേ നിന്നെ കൈ വണങ്ങുന്നേ (2)
(ഗുരുപവനപുരേശാ......)

വാകച്ചാർത്തിന്റെ വേളയിൽ നിന്നെ ഞാൻ
ആലിലക്കൃഷ്ണനായ് കാണുന്നു
എന്നും അമ്പാടിക്കണ്ണനായ് കാണുന്നു (2)
ഉഷഃപൂജ നേരത്ത് കുസൃതിക്കുടുക്കയാം
ഉണ്ണിക്കണ്ണാനായ് മാറുന്നു
എന്റെ പൊന്നുണ്ണിക്കണ്ണനായ് മാറുന്നു (2)
(ഗുരുപവനപുരേശാ......)

നവകാഭിഷേകത്തിൻ നിമിഷത്തിൽ നീ വീണ്ടും
നവമാമൊരു രൂപമണിയുന്നു (2)
കോലക്കുഴലൂതും കാർമുകിൽ വർണ്ണന്റെ
ചേലാർന്ന രൂപം ഞാൻ കാണുന്നു
കൃഷ്ണാ ചേലാർന്ന രൂപം ഞാൻ കാണുന്നു (2)
(ഗുരുപവനപുരേശാ......)