Last Modified: February 29 2012 15:08:40.
 
വാചാലബിംബങ്ങളേ രാഗാര്‍ദ്ര ശില്‍പ്പങ്ങളേ
മിഴിയിണയാലേ മിഴികളില്‍ പകരും
പ്രണയസന്ദേശങ്ങളേ(2)
വാചാലബിംബങ്ങളേ രാഗാര്‍ദ്ര ശില്‍പ്പങ്ങളേ

കരയുടെ പാദത്തില്‍ മുത്തുകള്‍ ചാര്‍ത്തും
തിരയുടെ പ്രേമ സംഗീതം
(കരയുടെ )
ഹൃദയങ്ങളില്‍ ഇരുഹൃദയങ്ങളില്‍
മാറ്റൊലി കൊള്ളുകയല്ലോ

വാചാലബിംബങ്ങളേ രാഗാര്‍ദ്ര ശില്‍പ്പങ്ങളേ

ഇണയുടെ തൂവലിന്‍ ഇഴകളില്‍ നോക്കും
കിളിയുടെ മൂകസല്ലാപം
(ഇണയുടെ)
ചിന്തകളില്‍ ഇരു ചേതനയില്‍
മഞ്ജിമ വീശുകയല്ലോ

(വാചാലബിംബങ്ങളേ)