Last Modified: February 29 2012 15:08:18.



വിഷമവൃത്തത്തില്‍ വീണു വിതുമ്പി
വിവശയാമൊരു വാനമ്പാടി
സ്വയമുരുകി സ്വര മിടറി
ഒരു ശോക ഗാനം പാടി
(വിഷമവൃത്തത്തില്‍ )

ദിവാസ്വപ്നങ്ങളാല്‍ അവളൊരു
തങ്കത്തൊട്ടിലൊരുക്കി
ദു:ഖങ്ങളെ ആത്മ ദു:ഖങ്ങളെ
അവള്‍ താരാട്ട് പാടിയുറക്കി
(വിഷമവൃത്തത്തില്‍ )

വൃഥാ മോഹങ്ങള്‍ തന്‍ അരങ്ങതില്‍
കാണാത്ത വേഷങ്ങളാടി
കണ്ണീര്‍ നാടകം അത് തുടര്‍ന്നു
അതില്‍ കാണിയായ്‌ ദൈവവും മാറി
(വിഷമവൃത്തത്തില്‍ )