Last Modified: February 29 2012 15:00:54.

സ്വരങ്ങള്‍ നിന്‍ പ്രിയസഖികള്‍
നിറങ്ങള്‍ നിന്‍ ഭാവലയങ്ങള്‍
പ്രപഞ്ചം നിന്‍ പ്രേമമഞ്ചം
പ്രഭാതമേ നവ വിഭാതമേ
(സ്വരങ്ങള്‍...)

ഭൂപാളരാഗം തുയിലുണര്‍ത്തും
ഭൂമിമയൂഖം പീലിനീര്‍ത്തും
പുളകങ്ങളാകും നീഹാരമാലയില്‍(2)
പൂവുകള്‍ പുഞ്ചിരി പെയ്തുണരും
സര്‍വ്വം ശാന്തം സുന്ദരം
സച്ചിദാനന്ദ ബ്രഹ്മമയം
(സ്വരങ്ങള്‍...)


വാസരദീപം തുടിച്ചുയരും
വാനമയൂഖം മാലകോര്‍ക്കും
പവന്‍ വാരിയെറിയും പൂവെയില്‍ പാളിയില്‍(2)
പനിനീര്‍ചോലകള്‍ പളുങ്കണിയും
സര്‍വ്വം മധുരം മോഹനം
സചിദാനന്ദ ബ്രഹ്മമയം
(സ്വരങ്ങള്‍...)