മാരിവിൽ ഗോപുരവാതിൽ (അനന്തശയനം )
This page was generated on May 1, 2024, 3:02 pm UTC
വിശദവിവരങ്ങള്‍
വര്‍ഷം 1972
സംഗീതംകെ രാഘവന്‍
ഗാനരചനശ്രീകുമാരൻ തമ്പി
ഗായകര്‍കെ പി ബ്രഹ്മാനന്ദന്‍
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:57:39.

മാരിവില്‍ഗോപുര വാതില്‍ തുറന്നു
മാലാഖയായ് നീ വന്നു
ആദ്യാനുരാഗത്തിന്‍ ഹര്‍ഷാനുഭൂതിയില്‍
ആത്മാവിന്നാരാമം പൂത്തു (മാരിവില്‍ഗോപുര)

മണ്ണിലെ മോഹത്തിന്‍ തളിരായ് വിടര്‍ന്ന ഞാന്‍
എന്‍ നില പാടേ മറന്നു പോയീ (മണ്ണിലെ)
ആരോമലാളുമൊത്താകാശതീര്‍ത്ഥ‍ത്തില്‍
ആറാടുവാന്‍ ഞാന്‍ കൊതിച്ചുപോയീ (മാരിവില്‍ഗോപുര)

ചെല്ലച്ചിറകു വളരാത്ത ഞാനെന്റെ
കല്യാണമണ്ഡപം തേടി
എങ്ങിനെ മാനത്തു പൊങ്ങിപ്പറക്കുവാന്‍
എന്തിനായ് മാടി വിളിച്ചു (മാരിവില്‍ഗോപുര)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts