Last Modified: February 29 2012 14:56:47.

ഇണക്കം പിണക്കം ഇതു
മനുഷ്യ കഥയുടെ ചുരുക്കം
ഒരുക്കം മുടക്കം ഇതു
പ്രണയ കഥയുടെ തുടക്കം (ഇണക്കം)

ഋതുക്കൾ വരും മടങ്ങും
മുത്തു വിതയ്ക്കും തിരിച്ചെടുക്കും (ഋതുക്കൾ)
വിരിയും പുഷ്പം കൊഴിയും
അതിൻ സുഗന്ധം കൊണ്ടു നിറയും (വിരിയും)
ആ സുഗന്ധം നില നിൽക്കും
ആയിരം യുഗങ്ങളതാസ്വദിക്കും (ഇണക്കം)

ചിരിക്കും വിധി ചിരിക്കും
ദൈവം ഉറക്കം നടിച്ചിരിക്കും (ചിരിക്കും)
ജനിക്കും സ്വപ്നം മരിക്കും
അതിൻ മധുരം കൊണ്ടു നിറയും (ജനിക്കും)
ആ മധുരം നില നിൽക്കും
ആയിരം യുഗങ്ങളതാസ്വദിക്കും (ഇണക്കം)