Last Modified: February 29 2012 14:56:44.

പാടുന്ന പൈങ്കിളിക്ക്‌ പൊന്നിന്റെ കൂട്ടിനുള്ളിൽ
പാലും പഴവും നൽകുന്നവരേ
കണ്ണുനീർക്കവിതകൾ പാടിക്കൊണ്ടലയുമീ
മണ്ണിന്റെ മക്കൾക്കു വിശക്കുന്നു! (പാടുന്ന)

ഒഴുകുന്ന കണ്ണീരിൻ കഥകൾ പാടി
ഒരു ചാൺ വയറിനു വഴിയും തേടി
പാടാത്ത പാട്ടിന്റെ കാണാത്ത ചിറകിന്മേൽ
പറക്കുമ്പോൾ വേദന മറക്കുന്നു
മണ്ണിന്റെ മക്കൾക്കു വിശക്കുന്നു! (ഒഴുകുന്ന)
(പാടുന്ന)

ഞങ്ങളിൽ ദൈവത്തെ കാണുന്നു ജ്ഞാനികൾ
ഞങ്ങൾക്കായ്‌ പൊരുതുന്നു നേതാക്കൾ
തളരുമ്പോൾ ഒരു തുള്ളി ദാഹനീർ മാത്രം
തരുവാനാരും കനിഞ്ഞില്ല;
മണ്ണിന്റെ മക്കൾക്കു വിശക്കുന്നു! (ഞങ്ങളിൽ)
(പാടുന്ന)