Last Modified: September 09 2017 15:46:42.
മൈലാഞ്ചിമേടു വാഴും അഴകുള്ള പേടമാനു
കൂട്ടായ് വന്നു കാട്ടും ശിങ്കം
വിണ്ണാണ്ടുതമ്പുരാനു വെറുതെ കുറുമ്പുതോന്നി
പണ്ടേ കുറിച്ചു വെച്ച ബന്ധം
വന്നോരു വന്നോരു കണ്ണഞ്ചി നിന്നേ
കാതോടു കാതിൽ പലതും പറഞ്ഞേ
പനിനീർ ചൊരിയൂ മുകിലേ
കുളിരാൽ പൊതിയൂ ഇവരെ
(മൈലാഞ്ചി മേടു...)

പകലിൻ ഒളിയെ ചിത്രങ്ങളാക്കൂ
ചേലുള്ളൊരീ സംഗമം
ഉലകിലെ സകലതും തിരുഹിതം പോലെയാ-
ണിവരതിൻ തെളിവായ് നില്പൂ
പെണ്ണിന്റെ കണ്ണോരമൊരു പൊൻകിനാവിൻ
തിരികൾ പതിയെ തെളിയുന്ന സമയമായ്
(മൈലാഞ്ചി മേടു...)

മലരിൻ വഴിയും മുള്ളുള്ള വഴിയും
താണ്ടേണമീ യാത്രയിൽ
മഴയിലും വെയിലിലും ഒരു കുടക്കീഴിലായ്
ഒരുമയോടൊഴുകണം നിങ്ങൾ
മാനത്തു മാലാഖ ശ്രുതിയിട്ടു പാടി
ഉയിരിൻ മധുരം പകരും നിമിഷമായ്
(മൈലാഞ്ചി മേടു...)