Last Modified: January 04 2014 11:21:34.

മഴയിൽ വെയിൽവീണ പോലെ
മുകിലിൽ മഴവില്ലു പോലെ
കാണുന്നു ഞാൻ...ആദ്യമായ് എൻ
കാണാക്കിളീ നിന്റെ രൂപം....
പാടുന്നു ഞാൻ...മൺ‌വീണയിൽ
പ്രേമാർദ്രമാം നിന്റെ ഗാനം...
മഴയിൽ വെയിൽവീണ പോലെ
മുകിലിൽ മഴവില്ലു പോലെ...

തേൻമാവിന്റെ ചുണ്ടിൽ
ആരാരോ മീട്ടുന്നു രാഗം
പൂങ്കാറ്റേറ്റു ചായും
പൂമുല്ലപ്പെണ്ണിനു നാണം...
കിന്നരസന്ധ്യ മയങ്ങി..
കുളിർ ചന്ദ്രിക വാനിലുലഞ്ഞു
സംഗമ രാഗപരാഗം
പുതു സുന്ദരമേഘമണിഞ്ഞു
വെറുതേ...ശ്രുതി മീട്ടി
പ്രണയം...കുയിൽ പാടി...
ഇനി നിന്റെ കിനാക്കളിലെന്റെ കിനാക്കിളി പാടും
മഴയിൽ വെയിൽവീണ പോലെ
മുകിലിൽ മഴവില്ലു പോലെ...

വാർമഴവില്ലിൻ ചന്തം
താഴേയ്ക്കു നീയായ്‌ പറന്നൂ
താഴത്തെ പൂമുല്ലപ്പെണ്ണു്
താരുണ്യം മെല്ലെ തലോടി
ചുണ്ടിലെ കുങ്കുമമൊഴുകി
വെയിലംബരസന്ധ്യ ചുവന്നു...
പുഞ്ചിരിനീട്ടി വിരിഞ്ഞു
അഴകുള്ളൊരു രാവുമൊരുങ്ങി
അണയൂ അഴകേ...ഉയിരിൻ ഉയിരേ
പകരം തരുവാനിനിയെന്റെ മനസ്സിൻ സാന്ത്വനം...
(മഴയിൽ.....)