Last Modified: September 24 2012 13:17:33.



കണ്ണും പൂട്ടിയുറങ്ങുക നീയെന്‍
കണ്ണേ പുന്നാരപ്പൊന്നുമകളേ
അമ്മേം അച്ഛനും ചാരത്തിരിപ്പൂ
ചെമ്മേ നീയുറങ്ങോമനക്കുഞ്ഞേ

ഓമനക്കണ്ണുകള്‍ ചിമ്മുന്നു കണ്മണി
ഓടിപ്പോകാറ്റേ നീ ഒച്ചവയ്ക്കാതേ
താരാട്ടുപാടുവാനമ്മയുണ്ടല്ലോ
താളം പിടിയ്ക്കുവാനച്ഛനുണ്ടല്ലോ

താരണിപ്പൂമുഖം സൂക്ഷിച്ചു നോക്കി എന്‍
തങ്കക്കുടത്തിനെ കണ്ണുവയ്ക്കാതെ
താമരക്കണ്‍കളില്‍ നിദ്രവന്നല്ലോ
താമസിക്കാതെ ഉറങ്ങുകെന്‍ തങ്കം