Last Modified: February 29 2012 14:38:00.

നിത്യ വിശുദ്ധയാം കന്യാമറിയമേ
നിൻ നാമം വാഴ്ത്തപെടട്ടെ
നന്മ നിറഞ്ഞ നിൻ സ്നേഹ വാൽസല്ല്യങ്ങൾ
ഞങ്ങൾക്കനുഗ്രഹമാകട്ടെ (നിത്യ)

കാറ്റു വിതച്ചു കൊടുംകാറ്റു കൊയ്യുന്ന
മേച്ചിൽപ്പുറങ്ങളിലൂടെ
അന്തിക്കിടയനെ കാണാതലഞ്ഞീടും
ആട്ടിൻ പറ്റങ്ങൾ ഞങ്ങൾ മേയും
ആട്ടിൻ പറ്റങ്ങൾ ഞങ്ങൾ (നിത്യ)

ദുഃഖിതർ ഞങ്ങൾക്കായ്‌ വാഗ്ദാനം കിട്ടിയ
സ്വർഗ കവാടത്തിൻ മുമ്പിൽ
മുൾമുടി ചൂടി കുരിശും ചുമന്നിതാ
മുട്ടിവിളിക്കുന്നു ഞങ്ങൾ ഇന്നും
മുട്ടിവിളിക്കുന്നു ഞങ്ങൾ (നിത്യ)