വിശദവിവരങ്ങള് | |
വര്ഷം | 1992 |
സംഗീതം | ജോണ്സണ് |
ഗാനരചന | കൈതപ്രം |
ഗായകര് | എം ജി ശ്രീകുമാർ ,കെ എസ് ചിത്ര |
രാഗം | ലഭ്യമല്ല |
അഭിനേതാക്കള് | മുരളി ,ഉർവ്വശി ,സുനിത |
ഗാനത്തിന്റെ വരികള് | |
Last Modified: February 29 2012 14:47:15.
അകലത്തകലത്തൊരു മുത്തുവിമാനം നോക്കെത്താദൂരെക്കാണാം അരികത്തരികത്തൊരു സ്വര്ഗ്ഗവിമാനം കൈയ്യെത്താ ദൂരെക്കാണാം ദൂരത്തൊരു മാമലയില് കാണാമൊരു കൊട്ടാരം തൂമഞ്ഞില് നീരാടും വെള്ളാരം കൊട്ടാരം ആകാശപ്പല്ലക്കിന്മേല് എത്തിക്കേറി കൊട്ടാരത്തില് ചെന്നാല്പ്പിന്നെ ആടമ്മാനം ആലോലമാടാം കൊട്ടാരമുറ്റത്തു കളിച്ചുറങ്ങാനൂഞ്ഞാലക്കാറ്റുണ്ട് അംബരം തിരിക്കാന് അമ്പിളിമാമന്റെ കുഞ്ഞുങ്ങളുണ്ട് മൂവന്തി പൂന്തോട്ടത്തിലൊരിത്തിരി മുന്തിരിവിളവുണ്ട് കോടമഴയുണ്ട് കട്ടിപ്പൊന്നിന് കുട്ടിക്കിണ്ണം തൊട്ടാലെത്തും ദൂരത്തുണ്ട് മാനത്തെ തമ്പ്രാന്റെ കൊട്ടാരത്തില് കതിരവനുണ്ടേ മന്ദാരത്തോണിയില് ഒഴുകിയിറങ്ങാന് തടാകമുണ്ടല്ലോ ആക്കരെയിക്കരെ ഇരുട്ടുകരയില് ചാമരമുണ്ടല്ലോ കുളിരഞ്ചും കൊട്ടാരത്തിന് പൂമുറ്റത്തൊരു മണ്കൂട്ടില് സ്വര്ണ്ണമുയലുണ്ട് തുമ്പിക്കൈയ്യന് പോക്കിരിയുണ്ട് മുക്കുടിമുണ്ടന് താറാവുണ്ട് മാനത്തെ തമ്പ്രാട്ടി ചൊല്ലുമ്പം ചീറിപ്പായും കുതിരകളുണ്ടേ |