Last Modified: February 29 2012 14:46:57.

ഇതാണ് കയ്യൂർ,കയ്യൂർ
ഇരുട്ടിനെതിരെ ഇന്ത്യയുയർത്തിയ
കെടാത്ത സൂര്യജ്വാല
ഇതാണ് കയ്യൂർ,കയ്യൂർ

കറുത്ത കൈകളിലരിവാളുകളുടെ
കരുത്തുണർന്നൊരു പുലർവേള
വിയർപ്പു ചിന്തും കൈയ്യുകളരിവാ-
ളുയർത്തി നിന്നൊരു പുലർവേള

ഒരു കുഗ്രാമം പോറ്റി വളർത്തിയ
ചെറിയ മനുഷ്യരിൽ നിന്നും
ഒരു തീപ്പൊരിയായ് തീനാമ്പുകളായ്
പടർന്നതാണീ ജ്വാല
(ഇതാണ് കയ്യൂർ,കയ്യൂർ)

പിടഞ്ഞു ജീവൻ വെടിയുമ്പോഴും
അവരുടെ ചുണ്ടിലെ മന്ത്രം
പടർന്നു കയറുകയാണത് യുഗയുഗ
സമരപഥങ്ങളിൽ വീണ്ടും

രക്തം പുരണ്ട ബലിപീഠങ്ങളിൽ
നിന്നുമുണർന്നൊരു ഗാഥ വീരഗാഥ
ഉച്ചശ്രുതിയിൽ ഭാരതമൊന്നാ-
യേറ്റു പാടിയ ഗാഥ ,മോചനഗാഥ
(ഇതാണ് കയ്യൂർ,കയ്യൂർ)