Last Modified: June 29 2012 04:40:19.

ചന്ദ്രനുറങ്ങി
താരമുറങ്ങി
ചന്ദനം ചാർത്തിയ രാവുറങ്ങി
മണ്ണും വിണ്ണും മാത്രമെന്തേ
കണ്ണിണ നോക്കി നില്പൂ.

മലർവന മണിയറ തന്നിലെ പുഷ്പ -
മണിവിളക്കെല്ലാം അണഞ്ഞു പോയ്.
മാമര ചില്ലയിൽ മന്ദമായ് പ്രേമ
ചാമരം വീശുന്നു മാരുതൻ..

മായാത്ത സങ്കൽപ്പ പൂമെത്ത നീർത്തുമെൻ
മാറത്തു നീ ചേർന്നുറങ്ങുക
ആയിരം തങ്കക്കിനാക്കൾ തൻ
പാലാഴി തന്നിൽ ഉറങ്ങുക..
ആയിരം തങ്കക്കിനാക്കൾ തൻ
പാലാഴി തന്നിൽ ഉറങ്ങുക..
ചന്ദ്രനുറങ്ങി.....