Last Modified: May 28 2020 09:03:45.


എങ്ങോ പൈങ്കിളി ഏതോ കാകളി
പാടി ഈറൻ രാത്രിയിൽ
മഞ്ഞും മൗനവും എന്നും നോവുകളുണ്ണും
കാടുകളിൽ തേങ്ങും കണ്ണീർ കൂടുകളിൽ

പിന്നെയീ പൂവാകകൾ മലർത്താലം
ഒന്നു ചൂടാനെങ്കിലും മറന്നേ പോയ്
നിന്നിളം ചെഞ്ചുണ്ടിലെ നിറം കാണാൻ
വന്നിരുന്നോരല്ലയോ ആ പൂവുകൾ പോലും
നിന്റെയോമൽ പമ്പരം കറങ്ങുന്നിന്നായിരം
കാതുമായ് നിൻ സ്വരം കേൾക്കുവാനാവാം

ഇന്നുമീറൻ കണ്ണുമായ് പുലർകാലം
വന്നിടാറുണ്ടെങ്കിലും ജനൽച്ചില്ലിൽ
പൊയ്‌നിഴൽ കൂത്താടുവാൻ വെയിൽത്തുണ്ടം
പീലിവീശില്ലൊക്കെയും നിൻ കൂട്ടുകാരല്ലോ
നിന്റെ തൂവൽ ശയ്യയിൽ വന്നു മിന്നാമിന്നികൾ
കാവലായ് കണ്മണി ശാന്തിദീപവുമായ്
(എങ്ങോ പൈങ്കിളി)