Last Modified: February 29 2012 14:42:23.
Omane neeyoromal bhaava geethamo


ഓമനേ നീയൊരോമല്‍ ഭാവ ഗീതമോ
കാതരേ നീയോരെന്‍ കിനാവിന്‍ കാവ്യമോ
സ്നേഹ രാഗലോലമോ നിലാവിന്‍ സാന്ദ്രമോ
മധു പകരുമോരമൃത തരള
ശ്രുതി ലയ സുഖ ലളിത ഗാനമോ
{ ഓമനേ നീയൊരോമല്‍ }

അനുപമമല്ലയോ പ്രിയ ചലനം
ഒഴുകുമീ തെന്നലിന്‍ ലാസ്യ നടനം
വൃന്ദാവനത്തിലെ രാഗമല്ലേ
ശ്യാമ വര്‍ണ്ണന്‍റെ പ്രേയസ്സി രാധയല്ലേ
മധു പകരുമോരമൃത തരള
ശ്രുതി ലയ സുഖ ലളിത ഗാനമോ
{ ഓമനേ നീയൊരോമല്‍ }


പരിഭവമെന്തിനീ മിഴിയിതളില്‍
പ്രിയതരമല്ലയോ മധുര ഭാവം
മന്വന്ദരങ്ങളായ് ഓമനേ നീ
എന്നന്തരാത്മാവിന്‍ ദാനമല്ലേ
മധു പകരുമോരമൃത തരള
ശ്രുതി ലയ സുഖ ലളിത ഗാനമോ
{ ഓമനേ നീയൊരോമല്‍ }