ചിലപ്പതികാരത്തിന്‍
ആകാശവാണി ലളിതഗാനങ്ങള്‍
Chilappathikaarathin (AIR Lalithagaanangal )
വിശദവിവരങ്ങള്‍
വര്‍ഷം NA
സംഗീതംകെ രാഘവന്‍
ഗാനരചനബിച്ചു തിരുമല
ഗായകര്‍ബി വസന്ത
രാഗംലഭ്യമല്ല
ഗാനത്തിന്റെ വരികള്‍
Last Modified: February 29 2012 14:34:21.

ചിലപ്പതികാരത്തിന്‍ ചിലമ്പൊലി മുഴങ്ങിയ
തൃക്കണാമതിലകത്തും.. (ചിലപ്പതികാരത്തിന്‍.. )
തിരുവഞ്ചിക്കുളത്തും ചേരമാന്‍ പറമ്പിലും
തിരി വച്ചു വലം വച്ചു വാ..... മനസ്സേ...
തിരുവാതിരയാടിവാ...
(ചിലപ്പതികാരത്തിന്‍... )

കലക്കത്തു കുഞ്ചന്‍ നമ്പ്യാര്‍ കളിച്ചിലങ്കകള്‍ ചാര്‍ത്തി
അരങ്ങേറി ആടിയോരമ്പലപ്പുഴയില്‍‍.. (കലക്കത്തു.. )
ഒരു തുള്ളല്‍പ്പാട്ടിന്റെ പാല്‍പ്പായസം കുടിക്കാന്‍
ഒരുമ്പെട്ടു വാ..... മനസ്സേ... ഒരു വട്ടം വാ...
(ചിലപ്പതികാരത്തിന്‍... )

ഹരിനാമ കീര്‍ത്തനത്തിന്‍ ഹരിചന്ദനം തൊടുന്ന
തൃക്കണ്ടിയൂരിലെ തുഞ്ചത്ത് പറമ്പില്‍.. (ഹരിനാമ.. )
ഒരു കിളിപ്പെണ്ണിന്റെ ഹരിശ്രീ നിലത്തെഴുത്തിന്‍
അരി കൊണ്ടുവാ.... ഒരു കൈ മണല്‍ കൊണ്ടുവാ...
(ചിലപ്പതികാരത്തിന്‍... )




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts