Last Modified: June 04 2012 19:06:20.

കണ്ണുനീരെണ്ണയിൽ കത്തുമെൻ ജന്മമാം
തിരി കെടാറാവുന്നു കണ്ണാ
നിന്റെ മണിമുരളികയിൽ നിന്നുതിരും അമൃതമിനി
എന്നരുളും ആനന്ദ കൃഷ്ണാ
എന്നരുളും ആനന്ദ കൃഷ്ണാ
(കണ്ണുനീരെണ്ണയിൽ….)

ബാല്യത്തിൽ നീയെന്റെ ചങ്ങാതിയായ്
നമ്മളമ്പാടിയാക്കിയെൻ ഹൃദയം (2)
യൗവനരസങ്ങളിൽ കുസൃതിമഴ തൂകി നീ
കരളിനു കരുത്തായി നിന്നു (2)
ഞാനുമൊരു ഗോപികാ കാന്തനായി തീർന്നു
(കണ്ണുനീരെണ്ണയിൽ….)

ഇന്നോളം ഒരു മാത്ര പോലുമെൻ കണ്ണനെ
ഈയുള്ളവൻ പിരിഞ്ഞില്ല (2)
ഇന്നെനിക്കീ വൃദ്ധ സദനത്തിൽ ഇരുളുണ്ട് (2)
പൊന്നോമന കണ്ണനതുപോലുമില്ല
ദൈവമേ…..
ദൈവമേ നിന്നെ ഞാൻ ആരെയേല്പിക്കും
നീയോ പരാജിതൻ ഞാനോ കണ്ണാ
നീയോ പരാജിതൻ ഞാനോ
പരിത്രാണായാ സാധൂനാം വിനാശായ ച ദുഷ്കൃതാം
ധർമ്മസംസ്ഥാപനാർത്ഥായാ സംഭവാമി യുഗേ യുഗേ
സംഭവാമി യുഗേ യുഗേ……സംഭവാമി യുഗേ യുഗേ