Last Modified: February 29 2012 14:31:31.
 
മണിക്കോടി പുടവയുടുത്തു..പുടവയുടുത്തു
മലർത്താലം കൈയ്യിലെടുത്തു..കൈയ്യിലെടുത്തു
മന്ദസ്മിതത്താലൊരു ആ.... മാധവക്കുറി മാഞ്ഞു ആ..
മന്ദസ്മിതത്താലൊരു ഉം.... മാധവക്കുറി മാഞ്ഞു ആ....
മനസ്സിലേയ്ക്കു തൊടുത്തു നീ വന്നു
(മണിക്കോടി...)

അടർവാഴത്തോട്ടിലുള്ള കുലവാഴ തുടർനിരകൾ
തിരുവോണ കാഴ്ചയുമായി തൊഴുതു നിൽക്കെ (2)
പൊന്നോണ വെയിൽനാളക്കളിക്കോല പടവിറങ്ങി (2)
കൈതപ്പൂ മണം പോൽ നീ ഒഴുകിയൊഴുകി ഒഴുകി വന്നു
(മണിക്കോടി...)

നിറമാറിൻ നിലയളക്കും കസവാട ഇടറിയപ്പോൾ
ശിശുവായ് തീരുവാൻ ഞാൻ കൊതിച്ചു പോയി (2)
എൻ ചുണ്ടിൽ വിടർന്നു നിന്ന കുസൃതി പൂങ്കുലകളെയും (2)
നിൻ കണ്ണിൻ സൂര്യനെയും മറക്കുമോ ഞാൻ
(മണിക്കോടി...)