Last Modified: February 29 2012 14:30:58.

സ്വർഗ്ഗസാഗരത്തിൽ നീരാടി വരും
സ്വപ്നമരാളങ്ങളേ നിങ്ങൾ
നിത്യ വസന്ത പൂവാടിയിലെൻ
ഇഷ്ടദേവനെ കണ്ടോ കണ്ടോ
(സ്വർഗ്ഗസാഗരത്തിൽ...)

മായാമധുര മനോഹരമാകും മാലിനീ തീരത്ത്
നാനാവർണ്ണവിഭൂഷിതനാമെൻ
മാനസചോരനിരിപ്പൂ
പോവുകയില്ലേ തവ സന്നിധിയിൽ ദൂതുമായി
മല്‍‌പ്രിയ തോഴീ തോഴീ
(സ്വർഗ്ഗസാഗരത്തിൽ...)

ദുഃഖശ്രുതികളിൽ ഉലയുകയല്ലോ
തപ്തമാം ഹൃദയ വിപഞ്ചി
സപ്തസ്വരലയ താളമൊഴുക്കിയതൊക്കെയും
നിൻ സ്മൃതി ലഹരി
എത്തുകയില്ലേ ഹംസരഥത്തിൽ
കൃഷ്ണനായ് മൽപ്രിയ ദേവാ ദേവാ
(സ്വർഗ്ഗസാഗരത്തിൽ...)